Qaraózek rayon hákimliginiń májlisler zalında Xalıq deputatları Qaraózek rayonlıq Keńesiniń gezektegi sessiyası bolıp ótti. Sessiyaǵa rayonlıq Keńestiń deputatları, sektor baslıqları, rayon hákiminiń orınbasarları, ózin-ózi basqarıw uyımları, mákeme, shólkem basshıları menen ǵalaba xabar quralları wákilleri qatnastı. Sessiya jumısın Keńes baslıǵı U. Utambetov basqarıp bardı.

Sessiya kún tártibinde Xalıq deputatları Qaraózek rayonlıq Keńesiniń bosaǵan orınlarǵa deputat saylawı juwmaǵı hám rayonlıq Xalıq bilimlendiriw bólimine qaraslı 22-sanlı ulıwma orta bilim beriw mektebi direktorı lawazımına bos turǵan orınǵa talabanlardıń aldaǵı úsh jıllıq baǵdarlamaları tıńlandı hám múnásip dep tabılǵan talabandı Qaraqalpaqstan Respublikası Xalıq bilimlendiriw Ministrligine usınıs kiritiw belgilenip alındı. Kún tártibindegi basqada máseleler boyınsha sheshimler qabıl etilip, aldaǵı rejeler belgilep alındı.