Qaraózek rayonlıq Xalıq bilimlendiriw bólimine qaraslı 4-sanlı ulıwma orta bilim beriw mektebinıń 11-klass oqıwshısı Dosnazarova Manzura Baxıtbayevna shet ellerdiń 20 joqarı  oqıw orınlarına hújjet tapsırıp, jıl basınıń ózinde  AQShtıń úsh abıraylı joqarı oqıw orınları studentligine usınıs etildi. 

Manzuraǵa jáhánniń abıraylı universitetleri qatarına kiriwshi AQShtıń Arizona universitetine bioximiya jónelisine oqıw dawamında 88 000 AQSh dollları muǵdarında grant ajıratqan bolsa, sonday-aq, Xavier universitetinde biomedicina pánleri baǵdarlaması ushın  100 000  AQSh dolları  muǵdarında grantlar hám de Missuri universiteti awıl xojalıǵı, azıq-awqat hám tábiyiy resurslar kolledjinde bioximiya boyınsha ilimiy dáreje ushın  usınıs bildirilgen.

Kishkeneliginen bilimge hám shet tilin úyreniwge qushtar jas bilimdanımızdıń maqseti de ilim jolında izlenis alıp barıwdan ibarat bolıp, bul tabısı ata-anası, ustazlarınıń bergen bilimi nátiyjesi sanaladı.

Házirde Manzura basqa da universitetlerden usınıslardı kútpekte.