Ózbekstan Respublikası Qurallı Kúshleri dúzilgeniniń 30 jıllıǵı hám Watan qorǵawshılar kúni bayramı rayonda keń túrde belgilendi. Bayram ilajın rayon keń jámiyetshiligi rayondaǵı «Hásiretli ana» esteligine gúl sheńberin qoyıw máresimi menen basladı. Bayramda shıǵıp sóylewshiler, bul qutlı áyyam shın mánisindegi ulıwma xalıqlıq bayramǵa, burınnan xalqımızǵa tán bolǵan watansúyiwshilik, mártlik hám erlik sıyaqlı joqarı pazıyletlerdiń tımsalına aylanıp baratırǵanlıǵı haqqında atap ótip, bárshe qatnasıwshılardı bayram menen qutlıqladı.

Bunnan soń bayram ilajı 16-sanlı Balalar muzıka hám kórkem-óner mektebinde koncert baǵdarlamaları menen dawam etip, bir qatar taraw belsendileri rayon hákimligi, rayonlıq qorǵanıw bóliminiń húrmet jarlıqları menen sıylıqlandı.