Qaraózek rayonı Qarjı bóliminiń rayonlıq jergilikli byudjetiniń
2021-jıl 9 ayı dawamında orınlanıwı haqqındaǵı

E S A B A T Í

Qaraózek rayonınıń 2021-jıl ushın byudjet parametrlerin tastıyıqlaw haqqındaǵı Xalıq deputatları Qarózek rayonlıq Keńesiniń 2020-jıl 29-dekabrdegi 27/93-sanlı sheshimi menen 2021-jıl ushın dáramatlardıń anıqlanǵan rejesi 25,0 mlrd swm, qarejetler rejesi
57,7 mlrd.swm bolıp belgilendi.

Jergilikli byudjet dáramatlarınıń orınlanıwı boyınsha;

2021-jıl 9 aylıǵı dawamında orınlanǵan daramatlar rejesi haqqında aytatuǵın bolsaq, 9 ayı daramatlar rejesi 15 mlrd 241 mln.swm, bolıp 9 ay dawamında 19 mlrd
159 mln.swmǵa (126 %) yaǵnıy 3,9 mlrd.swmǵa artıǵı menen orınlandı.

Derlik salıqtıń barlıq túrinen reje artıǵı menen orınlandı.

Atap aytqanda,

– Kárxanalar aylanbasınan salıq boyınsha 834 mln.swm reje belgilenip, ámelde byudjetke 865 mln.swm óndirildi, nátiyjede reje 104 payızǵa yaǵnıy 31 mln.swm artıǵı menen;

– Fizikalıq shaxslardan alınatuǵın dáramat salıǵınan jergilikli byudjetke 262 mln.swm kelip túsken.

– Akciz salıǵına 2 mlrd 10 mln.swm óndiriw rejelestirilip ámelde 2 mlrd 226 mln.swm óndirildi hám reje 111 payızǵa 216 mln.swmǵa artıǵı menen;

– Fizikalıq shaxslardan alınatuǵın jer salıǵına 2 mlrd 101 mln.swm reje belgilenip, jergilikli byudjetke 2 mlrd 346 mln.swm óndirildi hám belgilengen reje 112 payız 245 mln.swmǵa artıǵı menen;

– Qurılıs materialları boyınsha jer astınan paydalanǵanlıq ushın salıq rejesi 9 mlrd 550 mln.swm rejelestirilip, ámelde 11 mlrd 893 mln.swm óndirilip, reje 125 payızǵa orınlanıp, belgilengen reje 2,3 mlrd.swmǵa artıǵı menen;

– Suw resurslarınan paydalanǵanlıǵı ushın salıqlar rejesi 19 mln.swm belgilenip, ámelde byudjetke 703 mln.swm óndirildi hám belgilengen reje 684 mln.swmǵa artıq orınlandı.

Rayon kárxanalarınıń byudjet aldında baqımanda qarızdarlıǵı 2021-jıl 1-oktyabr halatına 415,8 mln.swmdı quradı, hám jıl basına salıstırǵanda 313,8 mln.swmǵa kemeyiwine erisildi. (Jıl basına 01.01.2021 xalatına 803,2 mln.swm bolǵan).

Ózbekstan Respublikası Ministrler Kabinetiniń 2017-jıl 29-iyun kúngi 445-sanlı qararı talaplarınıń orınlanıwın támiyinlew maqsetinde rayonlıq qarjı bólimi hám mámleketlik salıq inspekciyası xızmetkerleri tárepinen 2021-jıl 1-oktyabr jaǵdayına jámi 359,4 mln.swm qosımsha daramatlar anıqlanıp sonnan, rayonlıq salıq inspekciyası tárepinen 348,6 mln.swm óndirilgen.

Atap aytqanda:

-mal-múlk salıǵınan múlk bahası 98,3 mln.swmlıq 32 salıq tólewshige 7,2 mln.swm esaplanıp rayonlıq salıq inspekciyası tárepinen 7,2 mln.swm mal-múlk salıǵı óndirildi;

-jer salıǵınan 195,2 mln.swm esaplanıp, sonnan 190,7 mln.swm óndirildi;

-jeke tártipdegi isbilermenlerden 52 jeke tártipdegi isbilermenge jıl aqırına shekem 24 mln.swm salıq túsimleri esaplanıp, rayonlıq salıq inspekciyası tárepinen 22,3 mln.swm óndirildi;

-ulıwma awqatlanıw kárxanaları boyınsha 3 hujjetsiz jallanba jumısshıǵa 2 mln.swm esaplanıp, sonnan 2 mln.swm óndirildi.

-bazar hám sawda kompleksleri boyınsha 4,6 mln.swm esaplanıp, sonnan

4,6 mln.swm óndirildi;

-basqada túsimler boyınsha 126,4 mln.swm anıqlanǵan bolıp sonnan 121,9 mln swm óndirildi.

Jergilikli byudjet qárejetleriniń orınlanıwı boyınsha;

Qaraózek rayonı jergilikli byudjetiniń 2021-jıl 9 aylıq qárejetler rejesi 60 mlrd
85 mln 636 mıń swm muǵdarında bolıp, reje kórsetkishleri 58 mlrd 277 mln 19 mıń swmǵa, yaǵnıy 96 payızǵa orınlandı. 

Sonnan

-Xalıq bilimlendiriw tarawına 5 mlrd 111 mln 850 mıń.swm,

-Mektepke shekemgi bilimlendiriw tarawına 2 mlrd 914,4 mln.swm,

-Den sawlıqtı saqlaw tarawına 19 mlrd 642,7 mln.swm,

-Basqarıw organları qárejetlerine 6 mlrd 311,2 mln.swm,

-Ózin-ózi basqarıw uyımlarına 1 mlrd 225,6 mln.swm,

-Xákimlik zaxira qorı esabınan 473,9 mln.swm,

-Beyimlestiriw orayı qárejetlerine 32,5 mln.swm,

-Sociallıq qollap quwatlaw boyınsha napaqalarǵa 10 mlrd 228,5 mln.swm, al kompensaciya tólew qárejetlerine 1 mlrd 518,4 mln.swm jumsaldı.

-Rayon abadanlastırıw islerine 4 mlrd 336,8  mln.swm qarjı rejelestirilgen bolıp, ámelde 2 mlrd  945 mln 555 mıń swmǵa orınlandı.

-Awıl xojalıǵı tarawı 2 mlrd  25 mln 33 mıń swmǵa,

-Mádeniyat hám sport tarawları 2 mlrd  572 mln 872 mıń swmǵa,

-Basqa taraw qárejetlerine 4 mlrd 147 mln 800 mıń swm qarjılandırıldı.

Byudjet mekemelerinde islewshi xızmetkerlerdiń is haqıları, is haqıǵa teńlestirilgen tólewler ushın  35 mlrd 662 mln  702 mıń  swm, is haqıǵa ajıratpalar ushın 6 mlrd 185 mln 98 mıń swm, kommunallıq tólemler ushın 801 mln 745 mıń swm, den sawlıqtı saqlaw mekemelerinde dawalanıwshılardıń azıq-awqatları ushın 179 mln 663 mıń swm, dári-darmaqlar satıp alıw ushın 643 mln 634 mıń swm qarjılar ajıratıldı. Mektepke shekemgi bilimlendiriw tárbiyalanıwshıları ushın  azıq-awkatqa 1 mlrd 481 mln 374 mıń swm qarjılandırıldı.

Erkin qaldıq esabınan ulıwma 4 mlrd 485 mln.swm bolıp, Sonnan

Abat awıl jamǵarması qárejetlerine 175,0 mln swm, Hákimiyat qárejetlerine 1 mlrd
567 mln.swm, Mektepke shekemgi bilimlendiriw bólimine 489,2 mln.swm, Abadanlastırıw basqarması qarejetleri ushın 496,5 mln.swm, Den sawlıqtı saqlaw qarejetleri ushın 1 mlrd 48,7 mln.swm, Xalıq bilimlendiriw bólimine 635,8 mln.swm, Profilaktika inspektorı aylıq is haqısı ushın 23,9 mln.swm, Qarjı bólimi qarejetleri ushın 26,5 mln.swm, Awıl xojalıǵı qarejetlerine 3,5 mln.swm qarjı ajratıldı.

Qaraózek rayonı boyınsha 2021-jıl 9-ay juwmaǵı menen daramatlardıń artıq orınlanǵan bólegi 3 mlrd 348 mln 979 mıń swm bolıp belgilendi. Sonnan  Profilaktika  inspektorı is haqısına 23,9 mln.swm, rayon hákimiyatı majilisler zalın inventar menen támiyinlew ushın     343,0 mln swm, Hákim másláhátshisi shtatı ushın 60 mln.130 mıń.swm, awıl xojalıǵı imaratın remontlawǵa 390 mln.swm. jaslar dápteri qárejetlerine 222,1 mln.swm, xayallar dapteri qárejetine 222,1 mln.swm, abat awıl dástúr qárejetlerine 638,1 mln swm, xalıq tálimi bólimine qaraslı mekteplerdi remontlawǵa 721,3 mln.swm qarjılandırıldı.

Ózbekstan Respublikası Prezidentiniń 2021-jıl 13-aprel kúngi “Byudjet processinde puqaralardıń belsendi qatnasıwın támiyinlew boyınsha qosımsha is-ilájlar haqqında”ǵi PQ-5072-sanlı qararınıń orınlanıwın támiyinlew maqsetinde jergilikli byudjet dáramatlarınıń rejeden artıq orınlanǵan bóleginiń 30 payız muǵdarın jámiyetshilik pikiri tiykarında islep shıǵarılatuǵın ilajlardı qarjılandırıwǵa qaratıldı yaǵnıy, Ózbekstan Respublikası “Ashıq byudjet” www.openbujget.uz portalı iske túsirilip usı portal arqalı jámiyetshilik pikirleri nátiyjesinde qoyılǵan qarjılar jumsaladı.

Ózbekstan Respublikası Finans ministrliginiń openbudget.uz rasmiy axborat portalı arqalı kelip túsken máseleler sheshimin tabıw maqsetinde Qaraózek rayonında jasawshı turǵınlar tárepinen 1 basqıshta 232 usınıs kelip túsken bolıp, sonnan ishki komissiya aǵzaları tárepinen 99 usınıs dawıs beriw basqıshına ótkerildi.

Dawıs beriw basqıshı 12 avgust kúninen 2 sentyabr kúnine shekem bolıp ótti hám dawıs beriw basqıshı juwmaǵına kóre, eń kóp dawıs toplaǵan usınıslar jeńimpaz dep tabıladı.

            Usı isshi komissiya tárepinen tańlap alınǵan 99 usınıs ishinen dawıs beriw basqıshında rayonlıq XBB ne qaraslı 1 sanlı mekteptiń sırtqı qorǵanın ońlaw usınısı 480 dauıs jıynap jeńimpaz boldı hám házirgi kunde joybardıń smeta hujjetlerine tiykarlanıp 350,0 mln.swm qarjı puqaralar belsendi qorı esabınan ajıratılıp berildi.

Taǵıda Ózbekstan Respublikası Prezidentiniń 2021-jıl 22-sentyabr kúngi «Ashıq byudjet» málimleme portalı arqalı jámáátshilik pikiri tiykarında qáliplesken is-ilájlardı qarjılandırıwdı jánede keńeyttiriw is-ilájları haqqında»ǵı PQ-5250-sanlı qararınıń
1-qosımshasına tiykar puqaralar belsendiligi jamǵarmasına 1 mlrd.swmnan kem qarjı qáliplesken hámde kelip túsken usınıslar sanı 100 den artıq bolǵan rayon hám qalalarǵa Ózbekstan Respublikası respublika byudjetinen qosımsha tárizde ajıratılıp atırǵan qarjılar esabınan Qaraózek rayonı puqaralar belsendiligi qorı jamǵarması 1 mlrd.swm qarjı qaratıldı Qaraózek rayonı XBB ne qaraslı 4-sanlı mektebiniń ońlaw jumısları tamamlanbaǵan imáratın ońlaw usınısına 450,1 mln.swm(460 dawıs), Qaraózek rayonı XBB ne qaraslı 28-sanlı mektebine balalar ushın minifutbol maydanshasın qurıw (gazonlı maydansha) usınısına 500 mln.swm (180 dawıs) hám rayonımızdaǵı Ajiniyaz kóshesi boyındaǵı kóp qabatlı turar jaylar aldındaǵı shıǵındı taslaw ornın abadanlastırıw (qayta islew) usınısına 200 mln.swm (135 dawıs) ajıratılıwı kózde tutılǵan bolıp, bul usınıslarda jeńımpaz dep tabıldı. Házirgi kunde usınıslar uyrenilip joybar smeta hujjetlerine tiykarlanıp qarjı ajıratıldı.

2021-jıl 9 aylıq juwmaǵı menen rayon aymaǵı jámiyetshilik pikirleri ushın
842,8 mln.swm rejelestirildi.

Jánede, byudjet dáramatlarınıń rejeden artıq orınlanǵan bóleginen aymaqlardı abadanlastırıw, xalıqqa qolaylı turmıs shárayatın jaratıw, sonday-aq sociallıq obektlerdiń infrastrukturasın jaqsılawdı támiyinlewge jámi 1 mlrd 966,4 mln.swm qarjılar jumsalıwı rejelestirilmekte.

Qaraózek rayonlıq

qarjı bólimi baslıǵı:                                                                      D. Pirniyazova

1-keste

Jergilikli byudjet dáramatları rejesiniń orınlanıwı boyınsha

MAǴLÍWMAT

mln.swm

№

Salíq túrleri

Jámi 9 ylıq

Reje

Ámelde

I.

Qaraózek rayonı jámi

15 240,5

19 158,9

1

Yuridikalıq shaxslardan alınatuǵıp payda salıǵı

 

 

2

Kárxanalar aylanbasınan salıq

833,6

864,6

3

Fizikalıq shaxslardan alınatuǵın dáramat salıǵı

 

261,7

4

Jeke tártiptegi isbilermenter ushın fizikalıq shaxslardan alınatuǵın dáramat salıǵı

204,3

197,4

5

Qosılǵan qun salıǵı

 

 

6

Akciz salıǵı, jámi

2 009,7

2 225,9

7

Yuridikalıq shaxslardıń mal-múlkine salınatuǵın salıq

 

 

8

Fizikalıq shaxslardıń mal-múlkine salınatuǵın salıq

520,8

349,1

9

Yuridikalıq shaxslar jer salıǵı

 

48,3

10

Birden bir jer salıǵı

 

159,0

11

Fizikalıq shaxslardan alınatuǵın jer salıǵı

2 101,3

2 345,8

12

Jer astınan paydalanǵanlıq ushın salıq

 

 

13

Qurlıs materialları boyınsha jer astınan paydalanǵanlıq ushın salıq

9 549,7

11 892,9

14

Suw resurslarınan paydalanǵanlıq ushın salıq

19,0

702,5

15

Mámleketlik bajı

 

0,3

17

Járiymalar

 

 

19

Mámleketlik kárxanaları sap paydasınantúsimler

 

 

20

Jıyımlar

 

2,1

21

Ijara tólemleri

2,2

4,8

22

Basqa túsimler

 

104,5

 

2- keste

Qaraózek rayonı jergilikli byudjet mekemeleriniń

2021-jıl 9-aylıq qárejetleri haqqında

MAǴLÍWMAT

miń.swm

№ 

2021 jil

JAMI

9- ayliq

1- gruppa

2- gruppa

3- gruppa

1

Veterinariya bólimi

537 659,0

413 630,1

103 130,1

20 898,8

2

Abadanlastırıw basqarması

3 345 035,0

1 536 587,4

380 085,4

1 428 362,2

3

Hákimiyat

8 683 445,4

2 534 671,4

556 445,2

5 592 328,8

4

Madeniyat hám sport bólimi

1 029 454,7

779 533,1

192 995,0

56 926,6

5

MTM bólimi

2 914 395,7

317 513,0

75 762,1

2 521 120,6

6

Xalıq bilimlendiriw bólimi

3 460 693,2

1 453 490,7

350 206,0

1 656 996,5

7

Ch.Abdirov atındaǵı RMO

18 587 940,4

12 577 080,7

3 049 722,0

2 961 137,7

8

RAYSES

1 089 522,3

809 448,8

189 879,3

90 194,2

9

Fermer xojalıǵı

476 832,7

382 015,1

94 817,6

 

10

Awıl xojalıǵı bólimi

327 791,2

257 140,5

62 739,5

7 911,2

11

Sport mektebi

1 631 198,6

1 241 055,6

304 562,1

85 580,9

12

Muzıka mektebi

1 651 156,2

1 325 968,5

325 187,7

 

13

Qarjı bólimi

763 800,6

571 957,1

128 568,3

63 275,2

14

Irrigaciya bólimi

1 010 541,3

627 430,8

157 775,8

225 334,7

15

Pensiya qorı

239 393,1

189 329,6

47 024,5

3 039,0

16

Bántlikke kómeklesiw orayı

447 340,4

360 896,4

79 650,3

6 793,7

17

Beyimlestiriw orayı

32 493,0

16 582,7

4 132,3

11 778,0

18

Kitapxana orayı

311 473,0

227 710,3

56 770,6

26 992,1

 

Mekemeler jami

46 540 166

25 622 042

6 159 454

14 758 670

1

2 jasqa shekemgi bala kútimene qaraw (UXOD)

3 723 720,0

 

 

 

2

Kem támiyinlengen shańaraqlarǵa 18 jasqa shekem balalar napaqasi (POSOBIYa)

2 722 355,7

 

 

 

3

Kem támiyinlengen shańaraqlarǵa materiallıq járdem pul (MOS)

3 772 427,0

 

 

 

4

Kompensaciya

1 518 350,0

 

 

 

 

Jami

58 277 019

25 622 042

6 159 454

14 758 670