Qaraqalpaqstan Respublikası sudı hámde jınayat isleri boyınsha Qaraózek rayon sudı sudyaları tárepinen aymaqlarda jınayat hám huqıqbuzarlıqlardıń aldın alıw, qabıl qılınıp atırǵan sud hújjetlerin túsindiriw, mámleketimizde ámelge asırılıp atırǵan sud-huqıq tarawındaǵı reformalardıӊ mazmun-mánisin túsindiriw maqsetinde hár ayda xalıq penen ashıq sáwbetler ótkeriw dástúrge aylanbaqta.

Usınday ushırasıwlardıӊ náwbettegisi Akademik Ch. Abdirov atındaǵı medicina birlespesi, Xalıq bántligine kómeklesiw orayı, Qorǵanıw bѳlimi hám Xalıq bilimlendiriw bólimlerinde bolıp ótti.

Bul ushırasıwlarda bayanatshılar, Qaraqalpaqstan Respublikası sudınıń jınayat isleri boyınsha sudlaw kollegiyasınıń sudyası T. S.Turdımuratov, jınayat isleri boyınsha Qaraózek rayonı sudınıń baslıǵı J. M. Allaniyazovlar, korrupciya menen baylanıslı huqıqbuzarlıq hám jınayatlardıń aldın alıw, jańa tuwılǵan balalar hám jas óspirimler sawdası menen baylanıslı jınayatlar hám olarǵa qarsı gúresiw, keyingi jıllarda mámleketimizde ámelge asırılıp atırǵan sud-huqıq tarawındaǵı reformalar hámde rayonımızda ótken 2020-jılǵa salıstırǵanda kórsetkishi ósken ayırım huqıqbuzarlıqlar hám jınayatlar haqqında da keń túrde túsinikler berip ótildi.

Ushırasıw sońında sudyalar menen ashıq sáwbetler ótkerilip, qatnasıwshılardıń ózlerin qızıqtırǵan hám qıynap júrgen sorawlarına juwaplar berildi.