Qaraózek rayonı xalıq bilimlendiriw  bólimine qaraslı 4-sanlı mekteptiń 11-klass oqıwshısı Manzura Dosnazaraova shet ellerdiń 20 joqarǵı oqıw ornına hújjet tapsırıp, jıl basınıń ózinde AQSh tıń úsh joqarǵı oqıw ornına usınıs etilgen edi. Al, 2-sanlı shet tillerine qánigelestirilgen mámleketlik ulıwma orta bilim beriw mektebiniń 5-klass oqıwshısı, Umidjan Orınbaev Tashkent qalasında ótkerilgen 3 basqıshlı “Tashkent Olimpiadası” nıń 1-2 basqıshlarına biologiya páninen  qatnasıp, jeńimpaz bolǵan edi.

Usı oqıwshılar menen rayon hákimi ushırasıp, ashıqtan-ashıq olar menen sáwbetlesip, jetiskenlikleri menen tanıstı. Ushırasıwda rayon hákimi, jeńimpazlarımızǵa óziniń jaqsı tileklerin bildirip, olardıń ata-analarına, ustazlarına óz minnetdarshılıǵın bildirdi hám rayon hákimliginiń húrmet jarlıǵı menen qımbat bahalı sawǵaların tapsırdı.