Búgin Ózbekstan Respublikası Bas Ministriniń orınbasarı, agrar hám azıq-awqat máseleleri kompleksi baslıǵı Shuxrat Madaminovich Ǵaniev rayondaǵı «Qoybaq»  awıl puqaralar jıyınında bolıp, usı aymaqtaǵı  sharwashılıq penen shuǵıllanıp atırǵan bir qatar sharwa fermerler menen ushırasıp, olardıń hal jaǵdaylarınan xabar aldı.

Qıs ayı sharwalar ushın qatań sınaq dáwiri sanaladı. Sonlıqtan da sharwa malların qıs ayında toq hám shıǵımsız alıp shıǵıw hár bir sharwadan talap etiledi.

Ushırasıwda usınday sharwa xojalıqlarınıń jaǵdayları menen tanısıp, olarǵa azıq-awqatlıq ónimler menen mallardıń qısqı azıǵı ot-jem jetkerip berildi.

Ilajǵa Qaraqalpaqstan Respublikası Ministrler Keńesi baslıǵınıń orınbasarı D. Qayıpov hám rayon hákimi U. Utambetovlar qatnastı.