Rayon hákimliginiń májilisler zalında Xalıq deputatları Qaraózek rayonlıq Keńesiniń gezektegi sessiyası bolıp ótti.
Sessiyaǵa rayonlıq Keńestiń deputatları, ózin-ózi basqarıw uyımları, mákeme, shólkem basshıları menen ǵalaba xabar quralları wákilleri qatnastı.
Sessiya jumısın Xalıq deputatları Qaraózek rayonlıq Keńesinen 14-sanlı «Qara aǵash» saylaw okrugi deputatı M.Gulimbetov basqarıp bardı. Sessiya kún tártibinde jınayat isleri boyınsha Qaraózek rayonı sudı, Májbúriy orınlaw byurosı, Qaraózek rayonlıq bólimi hám rayonlıq Ishki isler bólimleriniń 2021-jıl dawamında ámelge asırılǵan jumısları haqqında málimlemeleri tıńlandı.
Sonday-aq rayon aymaǵındaǵı fermer xojalıqları hám awıl xojalıǵı kárxanalarınıń jerlerin óz qálewi menen rayon qorına qaytarıw boyınsha rayon awıl xojalıǵı bóliminiń jer hám jerden paydalanıw boyınsha baslıǵı orınbasarınıń usınısı tıńlandı.
Kún tártibindegi basqada máseleler boyınsha sheshimler qabıl etilip, aldaǵı rejeler belgilep alındı.
Sessiya juwmaǵında rayonlıq Sanitariya epidemiologiyalıq jámiyet salamatlıǵı orayı baslıǵı A.Aymuratovanıń koronavirus keselliginiń tarqalıwınıń aldın alıw ilajları hám belgilengen wazıypalar haqqındaǵı málimlemesi tıńlandı.
