RAYON HÁKIMI «MÁDENIYAT» APJ PUQARALARÍ HÁM JASLARÍ MENEN UShÍRASTÍ

Ushırasıwǵa rayon hákimi,3-sektor baslıǵı, Jaslar isleri agentligi hámde rayondaǵı mákeme, kárxana, shólkem basshıları qatnastı. Ushırasıwda dáslep jaslar menen sáwbetlesiw ótkerilip, olardıń pikir usınısları tıńladı. Bunnan soń óz isbilermenligin baslamaqshı bolǵan jaslar, bankten jeńilletilgen kreditler alıw, jer orınların ajıratıw, avtomoyka hám temir ustaxanaların ashıw boyınsha múrájatların bildirdi. Olardıń ayırım mashqalalarına sol jerdiń ózinde juwap qaytarılıp, waqıt talap etetuǵın múrájatları tiyisli tártipte kórip shıǵılıp, taraw basshılarına tapsırmalar berilip, tez kún ishinde sheshiletuǵınlıǵı aytıp ótildi.