Rayondaǵı sport mektebi 2014-jıldan baslap jumıs alıp barıp, búgingi kúnde jaslarımız sporttıń 19 túri menen shuǵıllanıp atır.
Balalarımızdıń bul sport túrleri menen turaqlı shuǵıllanıwı ushın qolaylı sharayatlar jaratıw maqsetinde ótken jıldan baslap, mektepke qurılıs jumısları alıp barılmaqta.
Rayon hákimi usı qurılıs jumısları menen tanısıp, qurılısshılardıń sharayatları hám islep atırǵan jumısların kózden ótkerdi.
Qurılıstı Nókis qalasındaǵı «GLOBAL PRODUCT» JShJ ti alıp barmaqta.
Qurılıs jumısına jámi 1mlrd 680 million 601mıń 250 sum jergilikli byudjet esabınan qarjı ajıratılǵan.
Búgingi kúnde mekteptiń sport maydanshası jasıl qaplamlar menen qaplanıp, juwırıw jollarına beton quyıw jumıslarınıń birinshi basqıshı júrgizilip atır