Ózbekstan Respublikası Prezidentiniń basshılıǵında 2022-jıl 15-yanvar kúni bolıp ótken videoselektor jıynalısında sociallıq hám ekonomikalıq kórsetkishleri tómen máhállelerde sociallıq ortalıqtı jaqsılaw jumısların ámelge asırıw lazımlıǵı belgilengen edi.

Usı videoselektor májilisinen keyin Qaraózek rayonı “Allayar Dosnazarov” awıl puqaralar jıyınınıń sociallıq ortalıǵı qanaatlandırarsız dáreje de ekenligi aytıp ótildi.

Usı anıqlanǵan mashqalalardı saplastırıw maqsetinde, awıl puqaralar jıyınınıń mashqalaları úyrenilip, ishki xojalıq jolları, mektepke hám de tez-járdem mashinalarınıń óz waqtında jetip barıwı qıyın bolǵan awıllarınıń ishki jollarına ońlaw jumısları alıp barılmaqta.

Maǵlıwmat ushın:

            -1 mlrd.sumlıq 2 dana sociallıq obektlerge iri ońlaw jumısların alıp barıw;

(600 mln.sumlıq APJ imáratı hám 400 mln.sumlıq 7-sanlı MShBSh ne iri ońlaw jumısların alıp barıw)

– 1,2 mlrd.sumlıq 4,3 km jollarǵa ońlaw jumısların alıp barıw;

– 4,9 mlrd. sumlıq 12,9 km suw tarmaqların jańadan hám rekonstrukciya jumısların alıp barıw;

– 6,7 km uzınlıqtaǵı elektr tarmaqların hám 2 dana transformator punktin ornatıw;

– 400 mln.sumlıq 1,0 km uzınlıqtaǵı piyadalar jolın qurıw.

– 360,0 mln.sumlıq 30 dana túngi jaqtılandırıw shıraqların ornatıw jumısları rejelestirildi.