Keyingi jıllarda sociallıq járdemge mútáj, mayıplılıǵı bolǵan insanlarǵa mámleketimiz tárepinen bir qatar qolaylıqlar jaratılmaqta. Ásirese kóp jıllardan berli nawqaslıǵı bolǵan puqaralarımız biypul dári-dármaqlar, mayıplar arbashaları menen támiyinlenbekte.

Búgin rayon Xalıq qabıllawxanası, sektor wákilleri, rayonlıq medicina birlespesi tárepinen mayıplılıǵı bolǵan insanlardıń hal-jaǵdaylarınan xabar alındı.

Ilaj dawamında  “Ak.S.Kamalov” APJ aymaǵında jasawshı 1-topar mayıbı B. Dawekeeva hám D. Baymurzaeva, “Esim” MPJ da jasawshı 1-topar mayıbı T.Zarimovlarǵa  elektron arabashalar biypul berildi. Sonıń menen birge usı aymaqta jasawshı 1975-jılı tuwılǵan 1-topar mayıbı E. Allambergenovtıń jaǵdayınan xabar alınıp, onıń ayaǵına protez qoyıw ushın operaciya islewge járdem beriletuǵın boldı.

Qaraózek rayonı hákimligi málimleme xızmeti