Qaraózek rayonı hákimliginiń májilisler zalında Xalıq deputatları Qaraózek rayonlıq Keńesiniń gezektegi sessiyası bolıp ótti. Sessiyaǵa rayonlıq Keńestiń deputatları, sektor baslıqları, siyasiy partiyalar, ózin-ózi basqarıw uyımları, məkeme, shólkem basshıları menen ǵalaba xabar quralları wákilleri qatnastı.

Sessiya jumısın Xalıq deputatları Qaraózek rayonlıq Keńesi baslıǵı U.Utambetov basqarıp bardı. Sessiya kún tártibinde  rayonlıq Xalıq bilimlendiriw bólimi, mektepke shekemgi bilimlendiriw bólimi hám medicina bólimleriniń 2021-jıl dawamında ámelge asırılǵan jumısları haqqında esabatları tıńlandı. Sonday-aq rayonlıq qarjı bóliminiń jámiyetshilik pikiri tiykarında ilájlardı qáliplestiriw, bahalaw, tańlap alıw hámde orınlanıwın monitoring qılıw boyınsha isshi komissiyanıń 2021-jıl dawamında, Byudjet processinde puqaralardıń belsene qatnasıwın támiyinlew boyınsha alıp barǵan jumısları hám Ózbekstan Respublikası Prezidentiniń Qaraózek rayonındaǵı xalıq qabıllawxanasına 2022-jıl yanvar ayı dawamında Xalıq bántligin támiyinlew, máhállelerde isbilermenlikti rawajlandırıw hám kámbaǵallıqtı qısqartıw boyınsha kelip túsip atırǵan múrájatlar haqqında málimlemeleri tıńlandı.

 Kún tártibindegi basqada máseleler boyınsha sheshimler qabıl etilip, aldaǵı rejeler belgilep alındı.