Ushırasıwǵa Berdaq atındaǵı Qaraqalpaq mámleketlik universiteti «Tariyx» fakulteti professor oqıtıwshıları, S. Kamalovtıń awıllasları, tuwǵan-tuwısqanları menen mektep oqıwshıları qatnastı.
Onda shıǵıp sóylewshiler, Qaraqalpaqstanda tariyx mektebin jaratqan akademiktiń ómir jolı, dóretpeleri, xalqımız ushın islegen pidáyı miynetlerin tanıstırıp, akademik S. Kamalovtıń xızmetlerin joqarı bahalap, Qaraqalpaqstan ilim tarawınıń sónbes juldızı ekenligin atap ótti.
Bunnan soń bir qatar awıllasları shıǵıp sóylep, óziniń tuwılıp ósken eline kórsetken xızmetleri, jaslarımızǵa bergen tálim-tárbiyalıq aǵla pazıyletlerin maqtanısh penen tilge aldı.
Ushırasıw soraw-juwaplar menen dawam etti.
Qaraózek rayonı hákimligi málimleme xızmeti