Qaraózek rayonı jawınger-veteranlar hám mayıplar birlespesi tárepinen Awǵanstan áskeriy háreketleri tamamlanǵanlıǵına 33 jıl tolıw múnásibeti menen rayonlıq XBB ne qaraslı 6-sanlı UOBB mektebinde Awǵanstan áskeriy háreketleri qatnasıwshıları hám oqıwshı jaslar qatnasında ushırasıw bolıp ótti.
Ushırasıw dawamında shıǵıp sóylewshiler, jaslarımızdı ana Watanǵa húrmet ruwxında tárbiyalaw, tınıshlıqtıń qádirine jetiw, sol waqıtlardaǵı jawıngerlerimizdiń kórgen qıyınshılıqların aytıp ótti.
Ilaj sońında rayon hákimligi hám bir qatar shólkemlestiriwshiler tárepinen mayıplıǵı bolǵan hám Awǵanstan áskeriy háreketleri qatnasıwshıları halınan xabar alınıp, sawǵalar tapsırıldı.