2022-jıl 17-20-fevral kúnleri Andijan wálayatında sporttıń “Usmanov Kombat sistems” túri boyınsha jas óspirim er ballar hám qızlar arasında Ózbekstan Respublikası chempionatı bolıp ótti.
Jarısqa rayondaǵı Balalar-óspirimler sport mektebinen bir qatar jas sportshılarımız, Qaraqalpaqstan saylandı komanda quramında qatnasıp, jaqsı nátiyjelerge eristi.
Qızǵın bellesiwlerge bay bolǵan jarıs juwmaǵında óz salmaq kategoriyalarında Waliev Alpamıs, Allanazarov Ernazar, Qudaynazarov Anvar, Qarlıbaeva Xanzadalar I-orınlardı iyelegen bolsa, Oraqbaev Asadbek, Baltabaeva Gúljayna, Rústemova Nargizalar II-orındı al Kóshkinbaev Berdaq III-orınlardı jeńip alıp, shólkemlestiriwshiler tárepinen múnásip bahalandı.
Jarısqa sportshılardı trener Seytjanov Alpamıs tayarladı.
Jeńimpazlarımızdı qolǵa kirgizgen jetiskenlikleri menen shın júrekten qutlıqlaymız.