Elimizde mámleketlik xızmetler kórsetiw tarawında hár jılı úlken ózgeris hám reformalar ámelge asırılmaqta. Bunday unamlı ózgerislerden jáne biri Ózbekstan Respublikası Ministrler Kabinetiniń 29-dekabr 2021-jıldaǵı 788-sanlı qararı menen Mámleketlik arxivleri oqıw zallarında arxiv hújjetlerinen paydalanıwǵa ruxsatnama beriw boyınsha mámleketlik xızmetler kórsetiwdiń hákimshilik reglamenti tastıyıqlandı. Hákimshilik reglamentke kóre, mámleket arxivleri oqıw zallarında arxiv hújjetlerinen paydalanıwǵa ruxsatnama beriw boyınsha mámleket xızmeti kórsetiw tártibi, arza beriw jáne onı kórip shıǵıw tártibi, ruxsatnamanı arza beriwshige usınıw tártibi, ruxsatnamanı beriwdi biykar etiwdiń tiykarları belgilendi.
Hákimshilik reglamentke kóre, Mámleketlik arxivleri oqıw zallarında arxiv hújjetlerinen paydalanıwǵa ruxsatnama beriw mámleketlik xızmetler orayları yamasa Ózbekstan Respublikası birden-bir interaktiv mámleketlik xızmetler portalı (my.gov.uz) arqalı mámleketlik arxivleri tárepinen kórsetiledi.
Arxiv hújjetlerinen shólkemniń rejege muwapıq xızmet, islep shıǵarıw, ilimiy, materiallıq, bilimlendiriw, bilimlendiriw hám nızam hújjetlerinde qadaǵan etilmegen basqa jumısların yamasa xızmetkerdiń xızmet wazıypaların orınlaw maqsetinde paydalanıwda sorawnamaǵa usı shólkemniń rásmiy xatınıń nusqası qosımsha etiliwi kerek.
Mámleket xızmet kórsetilgenligi ushın jıyım óndirilmeydi (arxiv hújjetlerinen nusqa alıw hám basqa pullı arxiv xızmetlerinen tısqarı ).
Mámleketlik arxivke elektron sorawnama kelip túsken waqıttan baslap 1 jumıs kúninde bul reglamentke muwapıq mámleketlik arxivleri oqıw zallarında arxiv hújjetlerinen paydalanıwǵa QR-kodlı (matrik shtrixlı kod ) qoyılǵan ruxsatnamanı qáliplestiredi. Ruxsatnama bir jıl múddetke paydalanıw ushın ámel etedi.
Ruxsatnamanıń ámel qılıw múddetin uzaytırıw ushın múrájatshi ruxsatnamanıń ámel qılıw múddeti tamamlanıwına jigirma jumıs kúninen kem múddet qalǵanında múrájat etedi.
Qaraózek rayonı Mámleketlik xızmetler orayı jetekshi qánigesi I. Jeńisbaev
