Namangan wálayatı hákimi Shavkatjon Abdurazaqov rayondaǵı alıs aymaqlardan sanalǵan “Quralpa” APJ da bolıp, aymaq xalqı menen ushırastı. Ushırasıwda awıl xalqınıń jasaw sharayatın jaqsılaw, olarǵa sociallıq járdemler kórsetiw boyınsha islenip atırǵan jumıslar menen tanıstı. Usı kúni sociallıq járdemge mútáj shańaraqlar ushın qurıp pitkerilgen turaq jaylardı kózden ótkerip, shańaraq aǵzaları menen pikirlesti.
Maǵlıwmat ornında aytıp ótiw kerek, Namangan wálayatı hákimligi Qaraózek rayonına biriktirilip, 2022-jılda rayon aymaǵındaǵı 6 máhállede hám “Quralpa” APJ da jasawshı xalıqtı ishimlik suw menen támiyinlew kózde tutulǵan bolsa, usı aymaqtaǵı 14,1 km ishki jollardı ońlaw, (summası 1, 2 mlrd. sum) hám “Quralpa” APJ menen “Esim”, “Ata makan”, “Qutlı makan” MPJ daǵı balalar baqshalarına 1,7 mlrd sumlıq inventarlar alıp beriw rejelestirilgen.
Bunnan basqada Qaraózek rayonına 21 mlrd tan aslam qarjı ajıratılıp, rayonnıń sociallıq-ekonomikalıq jaǵdayınıń jaqsılanıwına jumsalatuǵınlıǵı Namangan wálayatı hákimligi tárepinen málim etip bildirildi.
Qaraózek rayonı hákimligi málimleme xızmeti