Korrupciya-hár qanday mámleket hám jámiyettiń rawajlanıwına keri tásir kórsetetuǵın illetlerdiń biri bolıp tabıladı.
Búgingi kúni dúnya jámiyetshiligi bul illetti tamırı menen joq etiwde oǵan qarsı gúres alıp barmaqta.
Usı baǵdardaǵı májilis rayondaǵı Mámleketlik xızmetler orayı zalında bolıp ótti. Oǵan rayondaǵı milliy gvardiya, rayonlıq ayrıqsha jaǵdaylar bólimi xızmetkerleri qatnastı.

Májiliste jınayat isleri boyınsha Qaraózek rayonı sudı baslıǵı J. Allaniyazov hám rayonlıq Ádillik bólimi baslıǵı O. Djumaniyazovlar shıǵıp sóylep, Ózbekstan Respublikasında jańadan qabıl etilip atırǵan nızam hám qararlardıń mazmun-mánisin túsindirip berdi.
Sonday-aq mámleketimizde korrupciyaǵa qarsı gúresiw baǵdarında júrgizilip atırǵan jumıslar hámde korrupciyanıń unamsız aqıbetleri hám bul unamsız jaǵdaydıń aldın alıwda keń jámiyetshilik penen birge gúresiw lazım ekenligine toqtap ótti.
Bunnan soń bir qatar taraw xızmetkerleriniń sorawlarına tiyisli juwaplar qaytarıldı.
Qaraózek rayonı hákimliginiń málimleme xızmeti