Usı jıldıń 26-fevral kúni “Qutlı mákan” mákan puqaralar jıyınında puqaralar jıyınları aqsaqalları hám olardıń hayal-qızlar máseleleri boyınsha orınbasarları menen rayonlıq Máhálle hám shańaraqtı qollap-quwatlaw bóliminiń xızmetkerleri qatnasında seminar bolıp ótti.

Seminarda Máhálle xızmetkerleri arasında Ózbekstan Respublikası Prezidentiniń 2020-jıl 18-fevraldaǵı PP-5938 sanlı pármanınıń orınlanıwı boyınsha sociallıq-mánawiy ortalıqtı salamatlastırıw, shańaraq hám hayal-qızlar menen islesiw, abadanlastırıw jumısları, xalıqtıń kem támiyinlengen qatlamı menen islesiw boyınsha tájiriybeler almasıldı.
Sonday-aq Ózbekstan Respublikası Prezidentiniń “Máhálelerde jaslar menen islesiw sistemasın túp tiykarının jetilistiriw ilajları haqqında” ǵı PQ-92 sanlı qararı tiykarında “Bir nuranıyǵa on jas” baǵdarlaması boyınsha járdemge mútáj jaslar menen islesiw máseleleri kórip shıǵıldı.
Qaraózek rayonı hákimliginiń málimleme xızmeti