Búgin rayon hákimi U. Utambetov «Qutlı mákan» MPJ da jaylasqan «Jaslar dem alıw baǵı» ndaǵı qurılıs hám abadanlastırıw jumısları menen tanıstı.
Burın bul orın kóp jıllardan berli qarawsız qalıp, dıqqattan shette qalıp kiyatırǵan edi. 2021-jılı rayon hákiminiń tikkeley basshılıǵında qolǵa alınıp, baǵqa qurılıs, abadanlastırıw jumısları alıp barıldı. Nátiyjede bul jer rayon xalqınıń ásirese, jaslarımızdıń súyikli ornına aylanıp, olardıń bos waqıtlarında mazmunlı dem alıwlarına barlıq qolaylı sharayatlar jaratıldı.

Sonday-aq baǵtıń átirapın jasıl aymaqqa aylandırıw maqsetinde, hár qıylı dekorativ terek nálleri alıp kelinip, jaqsı niyetler menen náller otırǵızılmaqta. Jaqın kúnler ishinde baǵtıń kurılıs, abadanlastırıw jumısları tolıq juwmaqlanadı.
Qaraózek rayonı hákimliginiń málimleme xızmeti