Búgingi kúnde rayonda qurılıs hám abadanlastırıw jumısları qızǵın dawam etpekte. Usı aymaqta jasawshı xalıqtıń turmıs sharayatları burınǵıǵa salıstırǵanda túp-tiykarınan ózgerip, kúnnen-kúnge jańalanıp barmaqta. Búgingi kúnge shekem rayonıń barlıq aymaqlarında sociallıq-ekonomikalıq jaqtan rawajlandırıw boyınsha bir qansha qurılıs hám abadanlastırıw jumısları ámelge asırıldı. Usı alıp barılǵan jumıslarǵa qosımsha hár máhálleden jasıl kaplamalı sport maydanshaları, xalıqtıń dem alıw orınları qurılıp atırǵan bolsa, máhálle imaratı, jaslar orayı, mektepke shekemgi bilimlendiriw shólkemi hám mádeniyat sarayı imaratlarına qurılıs ońlaw jumısları alıp barılmaqta.
Jaqın kúnler ishinde bul qurılıs imaratları paydalanıwǵa tapsırılıp, xalqımızǵa xızmet kórsetedi.