8-Mart Xalıqaralıq hayal-qızlar bayramı kúni múnásibeti menen rayondaǵı 16-sanlı Balalar muzıka hám kórkem-óner mektebinde bayram ilajı bolıp ótti. Oǵan rayon hákimi, sektor baslıqları menen túrli tarawlarda jemisli miynet islep atırǵan hayal-qızlarımız mirát etildi.
Bayram ilajında rayon hákimi U. Utambetov hám bacqalar shıǵıp sóylep, bayram qatnasıwshıların qutlıqladı.
Elimizde óziniń bay tájiriybesi menen mámleketimizde alıp barılıp atırǵan reformalarda belsene qatnasıp, jańa Ózbekstandı qurıw, xalqımız abadanlıǵın arttırıw, jaslardı kámil insanlar etip tárbiyalaw jolında miynet etip kiyatırǵan hayal-qızlardı maqtanısh penen tilge aldı.
Bunnan soń bir qatar tarawlarda pidáyılıǵı menen kózge túsken, rayonımızdıń gúllep rawajlanıwına salmaqlı úleslerin qosıp kiyatırǵan hayal-qızlar, rayon hákimliginiń húrmet jarlıqları hám bahalı sawǵaları menen sıylıqlandı.
Bayram ilajı yoshlı koncert baǵdarlamaları menen dawam etti.
Usı kúni rayondaǵı «Jayxun» restoranında hayal-qızlarǵa keń dásturxan jayılıp húrmet-izzet kórsetildi.