Puqaralardıń mashqalaların úyreniw, olardıń turmıs tárizin jaqsılaw tiykarında aymaqlardaǵı awıl hám mákan puqaralar jıyınlarında , puqaralar hám jaslar menen kóshpeli qabıllawlar ótkerilmekte. Náwbettegi kóshpeli qabıllaw Ak. S. Kamalov APJ da bolıp ótti. Qabıllawǵa rayondaǵı xalıq qabıllawxanası baslıǵı, rayon hákiminiń orınbasarları, hákim járdemshileri menen tiyisli taraw basshıları qatnastı.
Búgingi ótkerilgen qabıllawda aymaq puqaraları hám jaslar tárepinen jumısqa jaylastırıw, úy-jay, sociallıq járdem, ishimlik suwı, salıq tólemleri, isbilermenlikti qollap-quwatlaw hám basqada máseleler boyınsha múrájatlar bildirildi.

Ushırasıwda múrájatlardıń orınlanıwın támiyinlew ushın tiyisli basshılarǵa tapsırmalar berilip, orınlanıw múddetleri belgilendi. Ayırım máseleler sol jerdiń ózinde úyrenilip, unamlı sheshimlerin taptı.
Sonday-aq usı kúni hákim járdemshileri menen jaslar jetekshileriniń juwapkershiligine júklengen aldaǵı wazıypalarǵa toqtap ótip, olardıń pikir usınısların tıńladı.
Qaraózek rayonı hákimligi málimleme xızmeti