Búgin Qaraózek rayonı hákimliginiń májilisler zalında 2022-jıldıń 9-19-mart aralıǵında deputatlar iskerliginiń «Áhmiyetli on kúnligi»n ótkeriw boyınsha deputatlarǵa túsinik jumısların alıp barıw maqsetinde, Qaraqalpaqstan Respublikası Joqarǵı Keńesiniń komitet baslıǵı D. Qurbaniyazov, rayon hákimi U. Utambetovtıń qatnasıwında ushırasıw bolıp ótti.
Ushırasıwǵa Xalıq deputatları Qaraózek rayonlıq Keńesiniń deputatları hám siyasiy partiyalardıń rayonlıq bólimleri baslıqları qatnastı.
Ushırasıwda Prezidentimizdiń «2022-2026-jıllarǵa mólsherlengen Jańa Ózbekstandı rawajlandırıw strategiyası haqqında» ǵı pármanınıń mazmun-mánisin hám áhmiyetin, sonday-aq usı jıldıń 23-24-fevral kúnleri Prezident Shavkat Mirziyoevtıń respublikamızǵa saparı dawamında Qaraqalpaqstandı sociallıq-ekonomikalıq jaqtan rawajlandırıw boyınsha belgilep bergen bir qatar áhmiyetli wazıpaları haqqında da túsinikler berip ótildi.