Qaraózek rayonındaǵı «Quralpa» APJ da ekinshi sektor basshılıǵında awıl turǵınları hám jaslar menen ushırasıw bolıp ótti. Ushırasıwǵa rayon prokurorı N.Djolamanov, rayon hákimi orınbasarı I. Qosıbaev, jaslar isleri agentligi rayonlıq bólimi baslıǵı J.Uzaqbaev hám rayondaǵı mákeme, shólkem basshıları menen awıl turǵınları qatnastı.
Ushırasıw dawamında aymaq turǵınları ózleriniń aymaǵında ushırasıp atırǵan mashqalalardan jol, ishimlik suwı, jeńilletilgen kredit alıw máseleleri boyınsha múrájatların bildirdi.

Ushırasıwda jaslar menen keńnen pikir alısıwlar júrgizililip, puqara Saparova Qurbanaydıń nan hám konditer ónimlerin ashıw ushın soraǵan múrájatı unamlı sheshilip, rayon prokuraturası tárepinen qadaǵalawǵa alındı.
Ushırasıw dawamında jaslardıń usınıs hám baslamaları tıńlanıp, olarǵa jeńilletilgen kreditler ajıratıw arqalı isbilermenlik jumısların baslaw usınısları qollap-quwatlandı.