Búgin Qaraózek rayonı «Qutlı mákan» mákan puqaralar jıyını aymaǵındaǵı 2-sanlı shet tillerine qánigelestirilgen ulıwma bilim beriw mektebinde mákan hám awıl puqaralar jıyınlarındaǵı jaslar jetekshileri qatnasında seminar ótkerildi.
Ilajdı rayonlıq Máhálle hám shańaraqtı qollap-quwatlaw bólimi baslıǵı orınbasarı M. Gúlimbetov, Respublika Ruwxıylıq hám aǵartıw orayı rayonlıq bólimi baslıǵı M. Atajanov, mekteptiń ruwxıy-aǵartıwshılıq isleri boyınsha direktor orınbasarı, «Marifat» úgit-násiyatshılar jámiyeti aǵzası Z. Saburovalar alıp bardı.
Seminar dawamında máhállelerde ruwxıy, mádeniy-aǵartıwshılıq ilajların shólkemlestiriw ózgeshelikleri boyınsha taraw qánigeleri tárepinen maǵlıwmatlar berildi. Ilaj dawamında jaslar jetekshileri tárepinen pikir-usınıslar bildirilip, sorawlarına juwaplar aldı.
Qaraózek rayonı hákimliginiń málimleme xızmeti