Elimiz boylap Nawrız seyilleri bolıp ótpekte.
Elimizge báhár keldi. Bul máwsimde pútkil tirishilik oyanıp, jańalanıw, jasarıw kórinisleri dawam etip atır.
Xalqımız bul saparı da tınısh hám tatıw, saw-salamat hám salmaqlı tabısları, jaqsı tilekleri menen Nawrız tamashalarına qádem taslamaqta.
Bıyılǵı Nawrız rayondaǵı “Ak. S. Kamalov” APJ nan baslandı.
Aymaq xalqı tań azannan Nawrız tamashaların baslap, milliy taǵamlar kórgizbesi, ata-babalarımızdan miyras bolıp kiyatırǵan dástúrlerimizdi sáwlelendiriwshi kórgizbeler shólkemlestirildi.

Xalqımız ázelden toy hám quwanıshlardı ayrıqsha tayarlıq penen qarsı aladı.
Solay eken aymaq turǵınları bıyılǵı Nawrızdı ayrıqsha tayarlıqlar menen kútip almaqta.
Usı kúni bayram múnásibeti menen APJ nıń jańa imaratı paydalanıwǵa berilip, awıl xalqına úlken sawǵa boldı.
Onda rayon hákimi U. Utambetov hám basqalar shıǵıp sóylep, jıynalǵanlardı ulıstıń ullı kúni Nawrız bayramı hám jańa imarattıń ashılıw saltanatı menen qutlıqlap, elimizge tınıshlıq, awızbirshilik, dáryamızǵa mol suw tiledi.
Bunnan soń miymanlar imarattıń jańa qolaylıqları menen tanıstı.
Nawrız bayramı rayonnıń hár bir aymaqlarında, awıllarında ulıwmaxalıqlıq seyilleri túrinde dawam etpekte.