Xalqımız intizarlıq penen kútetuǵın jańa kún hám jańa pasıl shıǵıs xalıqlarınıń jańa jıl baslaması menen baslanatuǵın “NAWRÍZ” bayramı, rayondaǵı «Berdaq» APJ da ótkerilip, onda rayon hákimi orınbasarları hám awıl jas úlkenleri bárshe qatnasıwshılardı bayram menen qızǵın qutlıqladı hám hár bir shańaraqqa qut-bereket, awızbirishilik, mol ırısqı-nesiybe, diyxanlarımızǵa molshılıq, bálent qırman jaratıwına tilekleslik bildirdi.
Bunnan soń bayram tamashaları baslanıp, milliy sport oyınları, milliy taǵamlar kórgizbeleri shólkemlestirilip, milliy kiyimlerdegi qız-kelinsheklerdiń seyilleri menen 7-sanlı mektep oqıwshılarınıń Nawrız haqqındaǵı qosıq taqmaqları, saxnalıq kórinisleri bárshede úlken zawıq baǵıshladı.
Sonday-aq bayram múnásebeti menen aymaqtaǵı bir qatar belsendi fermer xojalıq baslıqlarına rayon hákimliginiń húrmet jarlıqları tapsırıldı.
Bayram seyili basqada aymaqlarda dawam etip atır.