Qaraqalpaqstan Respublikasınıń arqa rayonlarında jasawshı xalıqtıń turmıs dárejesin jaqsılaw, aymaqlardı sociallıq-ekonomikalıq jaqtan rawajlandırıw, sanaat, xızmet kórsetiw, awıl xojalıǵı tarawlarında isbilermenlik subektlerin shólkemlestiriw arqalı jańa jumıs orınların jaratıw maqsetinde, Namangan wálayatı Qaraózek rayonına biriktirildi.
Namangan wálayatı hákiminiń tapsırmasına tiykar, 2022-jıldıń 30-mart kúni Qaraózek rayonı máhálle puqaralar jıyınları aymaǵında xızmet kórsetiw tarawın rawajlandırıw maqsetinde, bahası 1,9 mlrd. sumlıq 13 turmıs hám servis xızmet kórsetiw (shashtárezxana, tigiwshilik, avtotex xizmet kórsetiw) imkaniyatların óz ishine alǵan konteynerler alıp kelinip, hár bir APJ hám MPJ nıń belgilengen orınlarına jetkerilip berildi.
Endigiden bılay bul imkaniyatlardan jumıssız jaslarımız tolıq paydalanıp, ózleriniń jeke isbilermenligin alıp baradı.
Sonıń menen birgelikte, rayondaǵı 10 máhálle puqaralar jıyınlarındaǵı xalıqtı taza ishimlik suw menen támiyinlew maqsetinde, jámi 1,0 mlrd. sumlıq qarjı ajıratıldı.
Búgúngi kúnde usı qarjılar esabınan qurılatuǵın suw tazalaw imaratların qurıw hámde “Qutlı mákan” MPJ nı aymaǵında muǵdarı 565,0 mln. sumlıq sport maydanshasın qurıw rejelestirilgen.
Bunnan basqa, rayondaǵı júrek qásteligine shalınǵan
8 nawqastı, Namangan wálayatı kardiologiya orayında xirurgiyalıq operatciyasın biypul islep beriw rejelestirilgen bolıp, búgúngi kúnge 3 nawqasqa járdemler berilip atır.
Qalǵan bes nawqastı basqıshpa-basqısh Namangan wálayatına jiberiw sharaları kórilmekte.
Sonday-aq ótken jıldıń dekabr ayında, Namangan wálayatı hákimligi rayondaǵı “Agroekonomika” texnikumı janındaǵı bos turǵan imarattı káwenderligine alıp, imaratqa qurılıs ońlaw jumısların alıp bardı.
Búgingi kúnge kelip imarat tolıq pitkerilip, 4,3 mlrd. sumlıq ónim islep shıǵaratuǵın “Tekstil ónimlerin islep shıǵarıw kárxanası” jumıs basladı.
Bul jerde házir rayondaǵı “Hayallar dápterin” degi, jumıssız hayal-qızlardıń bántligi támiyinlenbekte. Nátiyjede 250 jańa jumıs orınları jaratıldı.
Búgin usı tigiw cexına Namangan wálayatı hákimliginiń kánigeleri, hákim járdemshileri menen APJ hám MPJ nıń baslıqları menen jaslar jetekshileri tigiw cexındaǵı islenip atırǵan jumıslar menen tanısıp, Namanganlı isbilermenler menen tájiriybeler almastı.
