XALÍQ DEPUTATLARÍ QARAÓZEK RAYONLÍQ KEŃESI

SHESHIMI

2022-jıl  26-mart                                                        VI-52-52-13-183-K/22-sanlı

Puqaralar jıyınları baslıqları (aqsaqalları) saylawına tayarlıq kóriw hám onı ótkeriw haqqında

Qaraqalpaqstan Respublikası Konstituciyasınıń 99-statyasına, «Puqaralar jıyınları baslıqları (aqsaqalları) saylawı haqqında”ǵı Qaraqalpaqstan Respublikası Nızamınıń 8-, 10-, 11- hám 12-statyalarına muwapıq, sonday-aq puqaralar jıyınları baslıqlarınıń wákillik múddetiniń 2022-jıl may ayında tamamlanıwına baylanıslı Ózbekstan Respublikası Oliy Majlisi Senatı Kengashiniń 2022-jıl 16-marttaǵı «Puqaralar jıyınları baslıqları (aqsaqalları) saylawına tayarlıq kóriw hám de onı ótkeriw haqqında»ǵı KQ-320-IV-sanlı qararı hám Qaraqalpaqstan Respublikası Joqarǵı Keńesi Prezidiumınıń 2022-jıl 24-mart kúngi 639-sanlı qararına muwapıq Xalıq deputatları Qaraózek rayonlıq Keńesi

ShEShIM ETEDI:

1. Ózbekstan Respublikası Oliy Majlisi Senatı Kengashiniń 2022-jıl 16-martdaǵı «Puqaralar jıyınları baslıqları (aqsaqalları) saylawına tayarlıq kóriw hám de onı ótkeriw haqqında»ǵı KQ-320-IV-sanlı qararı hám Qaraqalpaqstan Respublikası Joqarǵı Keńesi Prezidiumınıń 2022-jıl 24-mart kúngi 639-sanlı qararları orınlaw ushın basshılıqqa alınsın.
2. Puqaralar jıyınları baslıqları (aqsaqalları) saylawın ótkeriw múddeti 2022-jıldıń may ayı etip belgilensin.
3. Ótkeriletuǵın saylawlarda 13 puqaralar jıyınları baslıqların (aqsaqalların) saylaw rejelestirilip atırǵanlıǵı maǵlıwmat ushın qabıl etilsin.
4. Tómendegiler:
   – 2022-jıldıń may ayında puqaralar jıyınları baslıqları (aqsaqalları) saylawın Qaraózek rayonında shólkemlestiriw hám ótkeriw boyınsha is-ilajlar rejesi 1-qosımshaǵa muwapıq;
   – puqaralar jıyınları baslıqları (aqsaqalları) saylawın shólkemlestiriw hám ótkeriwge kómeklesiwshi Qaraózek rayonı komissiyasınıń (keyingi orınlarda – rayonlıq komissiyası) quramı 2-qosımshaǵa muwapıq tastıyıqlansın.

5. Puqaralar jıyınları baslıqları (aqsaqalları) saylawın shólkemlestiriw hám ótkeriwge kómeklesiwshi rayonlıq komissiyası aǵzaları orınlarda puqaralar jıyınları baslıqları (aqsaqalları) saylawın shólkemlestiriw hám ótkeriwshi komissiyalarǵa ámeliy járdemler kórsetip barılsın.
6. Qaraózek rayonı hákimi (U.Utambetov) tiyisli mákeme hám shólkemler menen birgelikte puqaralar jıyınları baslıqları (aqsaqalları) saylawına tayarlıq kóriw hám ótkeriwde puqaralar jıyınlarına kómeklesiw, zárúrlik bolǵanda olardı imaratlar, transport hám baylanıs quralları menen támiyinlew hám de saylawǵa baylanıslı materiallar toplamın baspadan shıǵarıwǵa tiyisli qarjı ajıratılıwın hám baspadan shıǵarıw ilajların kórilsin.
7. Rayonlıq Ishki isler bólimi baslıǵı (B.Shaxanov) puqaralar jıyınları baslıqları (aqsaqalları) saylawın ótkeriwde jámiyetlik tártipti hám qáwipsizlikti támiyinlesin.
8. Rayonlıq medicina birlespesi (B.Aytmuratov) orınlardı medicina punktleri jumısların joqarı dárejede shólkemlestiriw hámde sanitariya-gigena talapları hám karantin qaǵıydalarına ámel etiliwin qadaǵalap barsın.
9. Rayon hákimliginiń málimleme xızmeti (B.Utepsheev), “Miynet bayraǵı” gazetası (N.Óserbaev) puqaralar jıyınları baslıqları (aqsaqalları) saylawın shólkemlestiriw hámde ótkeriwdiń barısın ǵalaba xabar qurallarında keń túrde sáwlelendirip barıw usınıs etilsin.
10. Puqaralar jıyınları baslıqları (aqsaqalları) saylawın shólkemlestiriw hám ótkeriwge kómeklesiwshi rayonlıq komissiyası saylaw mapazınıń barısında puqaralardıń ózin-ózi basqarıw uyımları jumısların jetilistiriw boyınsha bildirilgen usınıslardı ulıwmalastırıw hám puqaralar jıyınları baslıqların (aqsaqalların) saylaw juwmaqları haqqında Respublikalıq komissiyaǵa málimleme beriw tapsırılsın.
11. Xalıq deputatları Qaraózek rayonlıq Keńesi deputatlarına:
    – Óz saylaw okruglarında puqaralar jıyınları baslıqları (aqsaqalları) saylawın shólkemlestiriw hám ótkeriwde belsendilik penen qatnasıw usınıs etilsin.
12. Usı sheshimniń orınlanıwın qadaǵalaw Xalıq deputatları Qaraózek rayonlıq Keńesiniń turaqlı kommissiya baslıqlarına júkletilsin.

Puqaralar jıyınları baslıqları (aqsaqalları) saylawın shólkemlestiriw hámde ótkeriwge kómeklesiwshi rayonlıq komissiya

Q U R A M Í

Esletpe: Komissiya aǵzaları basqa jumısqa ótken jaǵdayda komissiya quramına usı lawazımǵa jańadan tayınlanǵan shaxslarǵa tiyisli funkciyalar júklenedi.