Rayonımızda ótken 2021-jıldıń paxta ónimi ushın 4200 gektar maydanǵa 269 fermer xojalıqları shigit egiwdi rejelestirip, jámi 9750 tonna paxta shiyki zat ónimin mámleket qırmanına tapsırıw boyınsha fermer xojalıqları menen kontraktaciya shártnamaları dúzilip, joba artıǵına orınlap shıǵıldı. Bıyılǵı jılı da fermer xojalıqları tárepinen 4700 gektar maydanǵa shigit egiw rejelestirilgen.
Usı maqsette búgin rayondaǵı Qaraqalpaq Agroklaster JShJ ne tiyisli bolǵan jer maydanında 2022-jıldıń shigit egisine arnalǵan kórgizbeli seminar bolıp ótti.
Oǵan Qaraqalpaqstan Respublikası Ministrler Keńesiniń awıl hám suw xojalıǵı boyınsha orınbasarı D. Qaypov, Qaraqalpaqstan Respublikası awıl xojalıǵı Ministri Z. Ziyadullaev, rayon hákimi U.Utambetov APJ hám fermer xojalıq baslıqları qatnastı.

Seminarda shıǵıp sóylewshiler shigit egisiniń agrotexnikası hám sapalı egiw jumısları boyınsha qániygeler másláhátlerin berdi. Bunnan soń jaqsı niyetler menen shigittiń rayonlasqan túrlerinen S-4727 hám CH-5018 sortlarınıń dáslepki tuqımları sebildi.
Qaraózek rayonı hákimliginiń málimleme xızmeti