Qaraqalpaqstan Respublikası Ruwxıylıq hám aǵartıw Keńesiniń 2022-jıl 28-fevral kúngi 01-113-sanlı «Jol kartası»nıń 26-bántindegi wazıypalardı basshılıqqa alıp, rayondaǵı jas baqsılar dóretiwshiligin qollap-quwatlaw, milliy kórkem-ónerimizdi jáne de rawajlandırıw maqsetinde rayonlıq Mádeniyat bólimi, Xalıq bilimlendiriw bólimi, Respublika Ruwxıylıq hám aǵartıw orayı rayonlıq bólimi, Jaslar isleri agentligi rayonlıq bólimi, 16-sanlı Balalar muzıka hám kórkem-óner mektebi menen birgelikte «Jáhán maǵan háwes penen qarasın» tańlawınıń rayonlıq basqıshı bolıp ótti.
Tańlawǵa ulıwma bilim beriw mektepleriniń 12-16 jas aralıǵındaǵı oqıwshı jasları belsene qatnastı.

Ilaj dawamında baqsıshılıqqa qızıǵıwshı oqıwshı jaslar, qaraqalpaq xalqınıń milliy baqsıshılıq ónerin, milliy qosıqlarımızdı sheberlik penen atqardı.
Ilaj sońında Xalıq bilimlendiriw bólimine qaraslı 2-sanlı mektep oqıwshısı, Shaxrizada Oralbaeva I-orın, 31-sanlı mektep oqıwshısı Nilufar Orınbaeva II-orın hám 28-sanlı mektep oqıwshısı Indira Tajibaeva III-orınlardı iyeledi.
Tańlaw juwmaǵında birinshi orın jeńimpazına tańlawdıń Qaraqalpaqstan Respublikası basqıshına jollama berildi.