Búgin rayonlıq Xalıq bilimlendiriw bólimine qarası 8-sanlı ulıwma bilim beriw mektebinde jaslar arasında sociallıq-ruwxıy ortalıqtı támiyinlew, dinlerara keńpeyillikti bekkemlew hám terrorizm, ekstremizm sıyaqlı jat illetlerge qarsı ideologiyalıq immunitetti qáliplestiriw maqsetinde «Keńpeyillik hápteligi» sheńberinde «Ashıq aspan astındaǵı keńpeyil xalıqpız» súreni astında ruwxıy-aǵartıwshılıq mádeniy ilajı bolıp ótti. Onda Respublika Ruwxıylıq hám aǵartıw orayı rayonlıq bólimi bas qánigesi M.Palwaniyazov, Ishki isler bóliminen háyal-qızlar máseleleri boyınsha aǵa inspektor N.Bekimbetova, hayal-qızlar arasında ruwxıy-aǵartıwshılıq jumıslar boyınsha úgit-násiyatlaw toparı baslıǵı Sh.Nurımova hám Mádeniyat bóliminiń jaslar menen islesiw boyınsha qánigesi A.Jumabaevlar miymanda boldı. Ilaj barısında túrli millet wákillerine tán milliy ayaq oyınlar, saxnalastırılǵan shıǵıwlar qatnasıwshılarǵa ózgeshe zawıq baǵıshladı. Ilaj sońında «Keńpeyillik hápteligi» sheńberinde ruwxıy-aǵartıwshılıq mádeniy ilajlardı joqarı dárejede shólkemlestirgenligi ushın mektep jámáátine shólkemlestiriwshiler tárepinen minnetdarshılıq hám estelik sawǵalar tapsırıldı.