5-июнь Халықаралық қоршаған орталықты қорғаў күни

Жер жүзи бойлап ҳәр жылы 5-июн күни экология ҳәм қоршаған орталықты қорғаў күни сыпатында белгиленеди.
Қарақалпақстан Республикасы Экология ҳәм қоршаған орталықты қорғаў комитети Қараөзек районы бөлими тәрепинен өсимликлер ҳәм ҳайўанатлар дүньясы объектлерин қорғаў, олардан ақылға уғрас пайдаланыў, қорғалатуғын аймақларды кеңейтиў мәселелери алып барылмақта.
Бөлим тәрепинен усы күнге шекем ҳайўанатлар ҳәм өсимликлер дүньясын қорғаў, ҳуқықбузарлықлар ҳәм браконъерлик жағдайлардың алдын алыў бойынша бир қанша жумыслар алып барылды.
Сондай-ақ шығындыларды жыйнаў ҳәм тасыў жумысларын турақлы қадағалаў, халықтың усы бағдардағы мәденияты менен жуўапкершилигин арттырыў мәселелерине де айрықша итибар қаратылмақта.
Бул бағдардағы жумыслар экология бөлими инспекторлары тәрепинен әмелге асырылып, орынларда үгит-нәсият жумыслары алып барылмақта.