Rayondaǵı 4-sektor baslıǵı hám medicina birlespesi menen birgelikte «Qaraózek» APJ aymaǵında jasawshı puqaralarǵa medicinalıq xızmet túrleri kórsetildi.
Medicinalıq kóriktiń tiykarǵı maqseti, analar hám balalar ólimshiligin azaytıw, tuwıw jasındaǵı hayal-qızlardıń salamatlıǵın bekkemlew, juǵımlı bolmaǵan keselliklerdiń aldın alıw bolıp tabıladı.
Usı kúni puqaralarǵa bir qatar shıpakerler tárepinen UZI, EKG hám laboratoriyalıq xızmetler kórsetilip, terapevt, pediatr, lor, akusher-ginekolog hám kardiolog shıpakerler tárepinen túsinikler berildi.
Sonday-aq jası úlken nuranıylar menen mayıplılıǵı bolǵan puqaralar jaǵdaylarınan xabar alınıp sektor tárepinen azıq-awqatlıq ónimler menen medicina birlespesi tárepinen biypul dári-dármaqlar berildi.