Rayondaǵı Kásip-óner mektebide, Ózbekstan Xalıq demokratiyalıq partiyası Qaraózek rayonlıq Keńesinin náwbettegi, Plenumı bolıp ótti.
Plenumǵa partiyanın jergilikli keńes deputatları, baslanǵısh partiya shólkemi jetekshileri hám belsendi aǵzaları, birge islesiwshi shólkemler menen ǵalaba xabar quralları wákilleri qatnastı.
Plenumda Ózbekstan Xalıq demokratiyalıq partiyası baǵdarlamasındaǵı áhmiyetli jónelisler hám 2022–2026 jıllarǵa mólsherlengen Jańa Ózbekstannıń rawajlanıw strategiyasın ámelge asırıwda rayonlıq partiya shólkemleri hám deputatlıq toparınıń qatnasın tamiyinlew boyınsha wazıypalar hámde Xalıq deputatları Qaraózek rayonlıq keńesindegi partiya toparınıń 2021-jılǵı jumısları hám Ózbekstan Xalıq demokratiyalıq partiyası, Qaraózek rayonı Keńesi atqarıw komitetiniń 2021-jıldaǵı jumısları haqqındaǵı máseleler dodalandı.
Plenum juwmaǵında bir qatar partiya belsendilerine, partiyanıń alǵısnamaları saltanatlı túrde tapsırıldı.
Plenumǵa Ózbekstan XDP Qaraqalpaqstan Respublikası Keńesi baslıǵınıń orınbasarı N. Ǵaniev qatnastı.
Plenumda qaralǵan máseleler boyınsha sheshimler qabıl etildi.