Oliy Májlis Senatı komiteti baslıǵınıń orınbasarı F. Boqiev Qaraózek rayonında eki kúnlik xızmet saparında bolıp turıptı.
Xızmet saparı dawamında rayonnıń sociallıq-ekonomikalıq rawajlanıwı, investiciya joybarları hám mámleketlik baǵdarlamalarınıń ámelge asırılıwı, “Máhállebay” islew, “Temir dápter”, “Hayallar dápteri”, “Jaslar dápteri” niń júritiliw jaǵdayı, puqaralardıń múrájatların úyreniw hám olardı sociallıq qollap-quwatlaw haqqındaǵı wazıypalarınıń orınlanıwın úyreniw, názerde tutılǵan.
Senator dáslep rayondaǵı sektor basshıları menen ushırasıp, aymaqtıń social-ekonomikalıq hám xalıqtıń bántligin támiyinlew, qurılıs jumısları menen tanıstı.
Úyreniw dawamında Namangan wálayatı isbilermenleriniń Qaraózek rayonındaǵı ámelge asırıp atırǵan, “Namangan Qaraózek tekstil” kárxanasınıń jumısları hám “Jańa Ózbekstan massivi” ndegi qurılıs jumısları menen tanısıp, qurılısshılar menen sáwbetlesti.
Sonday-aq “Qaraózek” PPJ daǵı bir qatar, óz isbilermenligin baslaǵan jaslar menen ushırasıp, jumısların kózden ótkerdi.