Xalqımız arasında salamat turmıs tárizin keń en jaydırıw, tuwrı awqatlanıw, zıyanlı ádetlerge qarsı durıs pikirlerin qáliplestiriw maqsetinde Qaraózek rayonlıq Medicina birlespesi xızmetkerleri, Xalıqtıń salamatlıǵın qollap-quwatlaw bólimi hám fizikalıq belsendiligin asırıw bólimi, volotyorlar keńesi aǵzaları menen birgelikte «Mádeniyat» APJ aymaǵındaǵı 21-sanlı shańaraq poliklinikasında úgit-násiyat ilajı bolıp ótti.
Ilaj barısında aymaq turǵınlarına salamat turmıs tárizine ámel etiw qaǵıydaları boyınsha taraw qánigeleri tárepinen keń túrde maǵlıwmatlar berildi.
Sonday-aq ilaj barısında miyirbiykeler tárepinen puqaralarǵa tuwrı awqatlanıw, hár qıylı sport ilajları alıp barıldı.
Ilaj sońında 8-sanlı mektep oqıwshıları tárepinen tayarlanǵan koncert baǵdarlaması qatnasıwshılarǵa ózgeshe zawıq baǵıshladı.