Búgin “Profilaktika kúni” múnásibeti menen Qaraózek rayonı 16-sanlı balalar muzıka hám kórkem-óner mektebinde, RIIB hám rayonlıq shańaraq hám hayal-qızlar bólimi menen birgelikte rayon aymaǵındaǵı APJ, MPJ daǵı “Hayallar dápteri” ne kiritilgen hayal-qızlar arasında «Salamat hayal mámleket tiregi» súreni astında ilaj shólkemlestirildi. Ilajǵa ishki isler bólimi, Din isleri boyınsha komiteti rayonlıq bólimi, miynet nuranıyları qatnastı.
Ilajdı ótkeriwden maqset, hayal-qızlardıń huqıqıy mádeniyatın asırıw, den-sawlıǵın bekkemlew, bántligin támiyinlew, ózine isenimin asırıw, salamat turmıs tárizine úyretip, mádeniy dem alısın shólkemlestiriw bolıp esaplanadı.
Ilajda taraw wákilleri jınayatshılıq hám huqıqbuzarlıqlardıń aldın alıw, milliy qádiriyatlarımızǵa say kiyiniw mádeniyatı, Jańa Ózbekstannıń 2022-2026 jıllarǵa arnalǵan rawajlanıw strategiyasınıń mazmun-mánisi, hayal-qızlarǵa jaratılıp atırǵan imkaniyatlar haqqında túsinik jumısların alıp bardı.
Ilaj dawamında 1-sanlı ulıwma orta bilim beriw mektebi psixologı G. Bekbosinova tárepinen psixologik-trening ótkerildi.