Rayondaǵı «Ámirbay ata» fermer xojalıǵında birinshi bolıp, ǵálle orım jıyımına arnalǵan seminar keńes bolıp ótti.
Seminarǵa sektor basshıları, fermerler menen awıl xojalıǵına tiyisli qánigeler qatnastı.
Onda Qaraqalpaqstan Respublikası awıl xojalıǵı ministri Z. Ziyadullaev, rayon hákimi U. Utambetovlar shıǵıp sóylep, ǵálleni tez kún ishinde sapalı orıp jıynaw, bunıń ushın kombayınshılarǵa sharayatlar jaratıp beriw boyınsha tapsırmalar berildi.
Ótken jılda rayonda 226 fermer xojalıǵı tárepinen 3450 gektar maydanǵa biyday egilip, búgingi kúnde pisip jetilisken zúráátti sepsitpey jıynap alıw ushın 11 otryadlar shólkemlestirilip, máwsimge 11 dana ǵálle orıw kombayınları qatnastırıladı.
Seminar sońında, rayonnıń jası úlken nuranıyları ǵálle orımı máwsiminiń bereketli keliwin sorap, quran qatım qıldı.