Búgin rayon hákimi Ózbekstan Respublikası tiykarǵı pánler olimpiadası basqıshınıń jeńimpazları, olardıń ata-anaları hám ustazları menen ushırastı.
Ushırasıwda 1-mekteptiń 11-klass oqıwshısı Quwanıshbaeva Ulbosın, «Mádeniyat» APJ 9-mekteptiń 11-klass oqıwshısı, Qayıpnazarova Ázizalardı qolǵa kirgizgen jetiskenlikleri menen qutlıqlap, olardıń ata-analarına, ustazlarına óz minnetdarshılıǵın bildirdi.
Bunnan soń, rayon hákimligi tárepinen húrmet jarlıqlar hám bahalı sawǵalar tapsırıldı.
Maǵlıwmat ornında aytıp ótsek, Qayıpnazarova Áziza «Ózbek tili» páninen, al Quwanıshbaeva Ulbosın «Qaraqalpaq tili» páninen Ózbekstan Respublikası basqıshında 1-orınlardı iyelep, ustazları menen ata-analarınıń isenimin haqlap qayttı.