«Aral teńizi aymaǵındaǵı qorshaǵan ortalıqtıń unamsız tásirinen jábirlengen awıl xalqınıń ekologiyalıq, ekonomikalıq hám den-sawlıqtı saqlaw tarawındaǵı qáwipsizligin támiyinlew arqalı olardıń turmıs shárayatı múmkinshiliklerin bekkemlew» BMShRB hám YuNFPA Birgeliktegi Baǵdarlaması tiykarında, «Qaraózek» APJ «Qorımlı» awılı hám «Mádeniyat» APJ «Ótegen» awıllarında duzsızlandırıw stanciyasınıń ashılıwı bolıp ótti.
Ashılıw saltanatında rayon hákimi U. Utambetov shıǵıp sóylep, Yaponiya húkimetiniń rayonǵa kórsetilgen járdemleri ushın óz minnetdarshılıǵın bildirdi hám aldaǵı jumıslarda da birge islesetuǵınlıǵına tayar ekenligin bildirdi.
Bunnan soń, Ózbekstandaǵı Yaponiya Elshixanasınıń birinshi orınbasarı Tae Sato xanım, baǵdarlamanıń tiykarǵı maqseti hám ámelge asırıp atırǵan jumısları boyınsha qısqasha maǵlıwmat berip ótti.
Ashılıw saltanatında islengen qurılıs jumıslar menen suwdıń sapasına joqarı bahasın berdi.