Ózbekstan «Milliy tiklanish» demokratiyalıq partiyası  Oraylıq Keńesi janında shólkemlestirilgen konstituciyalıq reformalar boyınsha isshi toparınıń Qaraózek rayonında ushırasıwları ótkerildi. Partıya Oraylıq Keńesi baslıǵı orınbasarı B.Mamatxonov basshılıǵındaǵı isshi topar rayonnıń, Qutlı mákan, Ǵárezsizlik gúzarı hám Ata mákan MPJlarda aymaq turǵınları menen hám Qaraózek Agrotexnikumda oqıwshı jaslar menen ushırastı.

Ushırasıwlarda konstituciyalıq reformalardıń áhmiyeti haqqında maǵlıwmat berilip, MPJ wákilleri, aymaq turǵınları, jaslardıń pikirleri tıńlandı hám usınısları alındı. Ásirese mákan puqaralar jıyınları hám bilimlendiriw tarawları boyınsha usınıslar berildi. Bárshe usınıslar ulıwmalastırılıp konstituciyalıq komissiyaǵa usınıs etiledi.