Bıyılǵı jıldıń ǵálle orım-jıyımı Qaraózek rayonındaǵı fermer xojalıqlarında shólkemleskenlik penen baslandı.

Rayondaǵı «Mádeniyat» APJ da 61 fermer xojalıǵı 2022-jıl ushın shárnama tiykarında biyday egip, mámleketke 2925 tonna ǵálle zúráátin jetistiriwdi rejelestirgen. Házir fermer xojalıqları atızlarda toplanǵan zúráátlerdi rayon qırmanına sepsitpey jıynap alıw ushın miynet etpekte.

Aymaqtaǵı «Agronom entomolog», «Qaraózekli muxammed», «Islambek mádeniyat» fermer xojalıqları birinshiler qatarında báygi sızıǵınan ótti.

Olar atızlarda toplanǵan zúráátti 30 centnerden asırıp orınlap, qalǵan ónimlerdide tez kún ishinde jıynap alıp, biydaydan bosaǵan atızlarǵa tez piser, dánli eginlerdi egiwdi rejelestirip otır.

Rayonda basqada APJ da ǵálle oraǵı dawam etpekte.

Qaraózek rayonı hákimligi málimleme xızmeti