Búgin rayon hákimiyatınıń úlken májilisler zalında rayondaǵı tórt sektor basshıları tárepinen ámelge asırılıp atırǵan jumıslarına arnalǵan májilis bolıp ótti.

Májilisti rayon hákimi U. Utambetov basqarıp bardı.

Onda sektor basshılarınıń úyreniw nátiyjeleri boyınsha, Mámleketlik xızmetlerdi rawajlandırıw agentligi, Qaraqalpaqstan Respublikası filialı baslıǵı S. Daniyarov sózge shıǵıp, sektor basshılarınıń búgingi kúndegi jumısları, eń áhmiyetlisi olardıń jetiskenlik kórsetkishleriniń bahalanıwın atap ótti.

Bunda sektor basshılarınıń óz máhállelerinde “máhállebay” islew sisteması, isbilermenlikti rawajlandırıw, jınayatshılıqtı kemeyttiriw, hám sociallıq ruwxıy ortalıqtı bekkemlew, sonday-aq  «Temir dápter», «Hayallar dápteri» hám «Jaslar dápteri» menen islesiw nátiyjeleri boyınsha ámelge asırılatuǵın jumısları boyınsha sáwbetlesiw júrgizdi.

Bunıń ushın aymaqlardaǵı hákim járdemshileri, jaslar jetekshileri menen hayal-qızlar belsendileri sektor basshıları menen birgelikte jumıs alıp barıw zárúr ekenligi aytıp ótildi.