Búgin Xalıq deputatları Qaraózek rayonlıq Keńesiniń Sud-huqıq máseleleri hám korrupciyaǵa qarsı gúresiw boyınsha turaqlı komissiyası májilisi bolıp ótti. Májiliste turaqlı komissiya aǵzaları hám turaqlı komissiya janında dúzilgen ekspert toparı aǵzaları, siyasiy partiyalar, mákeme, shólkemlerden wákiller qatnastı. Turaqlı komissiya is-rejesine tiykar rayonlıq Máhálle hám nuranıylardı qollap-quwatlaw bóliminiń 2022-jıl may ayında ótkerilgen puqaralar jıyınları baslıqları (aqsaqalları) saylaw juwmaqları boyınsha esabatı tıńlanıp Xalıq deputatları Qaraózek rayonlıq Keńesiniń gezektegi sessiya kún tártibine kiritiliwi belgilenip alındı. Bunnan soń turaqlı komissiyanıń  ámelge asırılatuǵın jumıslar belgilendi hám tiyisli mákeme hám shólkemlerge xatlar jiberildi.