Ózbekstan Respublikası Prezidentiniń  2018-jıl 5-aprel kúngi PQ-3651-sanlı qararı hám Ózbekstan Respublikası Ministrler Kabinetiniń 2018-jıl 30-iyul kúngi  595-sanlı qararına tiykar, Qaraózek rayonınan 13 shańaraq mámleketlik-jeke sheriklik mektepke shekemgi bilimlendiriw shólkemi shólkemlestirip, búgingi kúnde xalqımızǵı xızmet etip kelmekte.

Búgin rayon hákimi, sektor basshıları menen Ózbekstan Respublikası Bas Prokuraturası basqarma prokurorları  qatnasıwında «Mádeniyat» APJ «Nurım jer» awılında jaylasqan 3 orındaǵı úy baqshalarınıń jaǵdayları hám alıp barıp atırǵan jumısları menen tanısıp, tárbiyashılar menen sáwbet alıp barıldı.

Usı kúni baqshalarǵa shólkemlestiriwshiler tárepinen hár bir balanıń qábiletin rawajlandırıwǵa baǵdarlanǵan oyınshıqlar menen eki qaltadan biyday ónimleri tapsırıldı.

Sonday-aq, sektor baslıqları tárepinen, usı awıldaǵı «Temir dápter» de turatuǵın Qarımsaqov Tóreniyaz hám Tájenov Orazbaylardıń hal jaǵdaylarınan xabar alınıp, olarǵa biyday ónimleri menen sharwa malları ushın juǵımlı azıqlıq ónimleri jetkerip berildi.

Qaraózek rayonı hákimligi málimleme xızmeti