Ózbekstan Respublikası Prezidenti Sh. M. Mirziyoev basshılıǵında, 2022-jıl 15-iyun kúngi keńeytirilgen tárizde ótkerilgen videoselektor májilisinde belgilep berilgen tapsırmalar, yaǵnıy, jaslardı kásip-ónerge oqıtıw hám monooraylar xızmetin jetilistiriw, ulıwma orta bilim beriw, kásip-óner, joqarı oqıw ornı pitkeriwshileriniń bántligin támiyinlew maqsetinde pitkeriwshi jaslar menen ushırasıw ótkerildi.

Ushırasıwǵa rayon hákimi U.Utambetov qatnasıp, pitkeriwshiler menen keńnen pikirlesti hám joqarǵı oqıw orınlarına kirip ketiwlerine tilek bildirdi.

Bunnan soń rayonlıq XBB baslıǵı A. Kalilaev, rayonlıq agroekonomika texnikumı direktorı Q. Berdimuratov, rayonlıq kásip-óner mektebi direktorı Sh. Bekniyazovalar shıǵıp sóylep, pitkeriwshi jaslarǵa jaratılǵan imkaniyatlar menen jeńillikler haqqında maǵlıwmatlar berip ótti. Ushırasıw jaslardıń sorawları menen dawam etti.