Ózbekstan Respublikası Ministrler Kabinetiniń 2020-jıl 11-noyabrdegi «Ózbekstan Respublikasında 2023-jılda xalıqtı dizimge alıwǵa tayarlıq kóriw hám onı ótkeriw is-ilajları haqqında»ǵı 710-sanlı Qararı talapları Qaraózek rayonında orınlaw maqsetinde rayonlıq Xalıqtı dizimge alıw bóliminde Registrator (Úy-jay dizimin qáliplestiriwshi) xızmetkerlerdi oqıtıw hám kónlikpelerin asırıw boyınsha oqıw seminarı bolıp ótti. Ótkerilgen seminarǵa  rayonlıq ruwxıy-aǵartıwshılıq bólimi, dizimge alıw bólimi hámde jańadan tayınlanǵan úy-jay dizimin qaliplestiriwshi xızmetkerler qatnastı.  

Seminar barısında aldaǵı wazıypalar, sonday-aq aymaqlardıń sxematik rejesine anıqlıq kiritiw boyınsha nátiyjeli jumıslar alıp barıw kerekligi túsindirildi.

Qaraózek rayonı hákimliginiń málimleme xızmeti